Ադրբեջանում ընձառյուծը բզկտել է 18-ամյա մի աղջկա
AzNews.az-ի փոխանցմամբ՝ Ադրբեջանի հարավ-արևելյան հատվածում ընկած Լերիկի շրջանում (սահմանակից է Իրանին) գրանցված միջադեպը շոկի մեջ է գցել բոլորին: Խամարմեշ գյուղի տարածքում է հայտնվել այդ տեղանքում հազվադեպ հանդիպող կենդանի՝ ընձառյուծ, որը հարձակվել է 18-ամյա Խուրշուն Ադիգյոզալովայի վրա:
Գյուղացիների վկայությամբ՝ գիշատիչն աղջկա ազդրի ու ձեռքերից պոկել է մսի կտորներ, ինչպես նաև կծել է նրա աջ ականջը: Միջադեպից հետո դեպքի վայր են ժամանել շրջանի ղեկավարությունն ու Բնապահպանության ու բնական պաշարների նախարարության աշխատակիցները:
Նշվում է, որ 10 օր առաջ էլ այդ գյուղում գրանցվել էր գայլերի ոհմակի հարձակման դեպք:
