ՆԱՏՕ-ն չի պլանավորում ռազմական միջամտություն ցուցաբերել Սիրիայում. Ռասմուսեն
Ռուսական РИА Новости լրատվական գործակալության փոխանցմամբ՝ ՆԱՏՕ-ի գլխավոր քարտուղար Անդերս Ֆոգ Ռասմուսենն այսօր հայտարարել է, որ ՆԱՏՕ-ն չի պլանավորում ռազմական միջամտություն ցուցաբերել սիրիական հակամարտությանը.
«Մենք որևէ մտադրություն չունենք Սիրիայում ռազմական միջամտություն ձեռնարկելու համար: Ես հուսով եմ, որ միջազգային հանրությունը կարող է միավորել ջանքերը և գտնել սիրիական խնդրի քաղաքական կարգավորումը»:
Ռասմուսենը հավելել է, որ ՆԱՏՕ-ն նաև չի պլանավորում զարգացնել Արկտիկայում իր ռազմական ներկայությունը. «Մենք չենք ցանկանում ռազմականացնել տվյալ տարածաշրջանը»:
Նշվում է, որ սրանից առաջ Եվրոպայում ՆԱՏՕ-ի զորքերի հրամանատար, ամերիկացի գեներալ Ջեյմս Ստավրիդիսը հայտարարել էր, որ անհրաժեշտության դեպքում ՆԱՏՕ-ն պատրաստ է լիբիական սցենարով ռազմական գործողություն ձեռնարկել Սիրիայում:
