Թուրքական դատարանը կայացրել է ապրիլի 24-ին զինծառայող Սևակ Բալըքչըի սպանության գործով դատավճիռը
Թուրքական Dünya Bülteni լրատվական կենտրոնի փոխանցմամբ՝ Դիարբեքիրի ռազմական դատարանը կայացրել է հայազգի զինծառայող Սևան Բալըքչըի գործով դատավճիռը: Սևակն իր ծառայակից, ազգայնական Քըվանչ Աղաօղլուի կողմից, իբրև թե, անզգուշաբար սպանվել էր 2011 թվականի ապրիլի 24-ին, Բաթմանի (Սասուն) նահանգի Քոզլուք շրջանում գտնվող Ժանդարմերիայի զորամասում:
Դատարանը որոշել է Սևակին սպանած Քըվանչ Աղաօղլուին դատապարտել 4 տարի 5 ամիս և 10 օր ժամկետով: Նույն գործով դատապարտվել է նաև տվյալ զորամասի ենթասպա Սադրեթիին Էրսոզը: Վերջինս ծառայողական անփութության համար դատապարտվել է 5 ամիս ազատազրկման:
