Հայտնաբերվել է զինամթերք ուսումնարանի տարածքում
Մարտի 24-ին, ժամը 13.47-ին տեղեկատվություն է ստացվել, որ Երևանի Վարդաշենի 9-րդ փողոցում գտնվող արհեստագործական ուսումնարանի մոտակայքում հայտնաբերվել է զինամթերք: Այս մասին հաղորդում է ԱԻՆ պաշտոնական կայքը:
Դեպքի վայր են մեկնել ՃԿԿ ԱԻ արձագանքման խումբը, մեկ մարտական հաշվարկ և ՀՆՓԱԻ կենտրոնի փրկարար ջոկատը:
Տեղում պարզվել է, որ հայտնաբերվել են 12 արկղ (48 հատ) «Ալազան 2Մ-1ՍՏ» տիպի հակակարկտային հրթիռներ:
Դեպքի վայրում են գտնվել ՀՀ ԱԻՆ «ՄԵՎԱՆԾ» ՊՈԱԿ-ի տնօրենը, ԵՓՎ Էրեբունու բաժնիպետը:
Դեպքի մասին տեղեկացվել են ՀՀ ՊՆ ԳՇ, ԱԱԾ և ոստիկանության օպերատիվ հերթապահները:
ՀՀ ՊՆ սակրավորները հրթիռները տեղափոխել են անվտանգ տարածք:
