Բեռլինի երկնքում ոստիկանական ուղղաթիռները բախվել են միմյանց
Ռուսական РИА Новости լրատվական գործակալության փոխանցմամբ՝ Բեռլինի «Օլիմպիական» մարզադաշտի երկնքում միմյանց են բախվել ոստիկանական երկու ուղղաթիռ: Միջադեպը գրանցվել է ուսումնական թռիչքի ժամանակ:
Միջադեպի հետևանքով զոհվել է 1 մարդ, կան տուժածներ: Ոստիկանությունն այս տեղեկատվությունը դեռ հաստատում է մասնակիորեն՝ ընդգծելով, որ իրենց հայտնի է մեկ կամ երկու ուղղաթիռների մասնակցությամբ դժբախտ պատահարի գրանցման մասին:
Ոստիկանությունը հավելել է, որ տեղեկություններ չունի այդ վթարի մանրամասների, ինչպես նաև տուժածների մասին:
