Volkswagen-ը Չինաստանից հետ է կանչում ավելի քան 384.000 ավտոմեքենա
Ռուսական ИТАР-ТАСС լրատվական գործակալության փոխանցմամբ՝ գերմանական խոշորագույն ավտոկոնցեռն Volkswagen-ը Չինաստանից հետ է կանչում ավելի քան 384.000 ավտոմեքենա:
Որպես դրա պատճառ է նշվում փոխանցման տուփի հետ կապված անսարքությունը, որը կարող է հանգեցնել ավտոմեքենայի նկատմամբ վերահսկողության կորսմանը: Բացի այդ, Չինաստանում արտադրված մի շարք մեքենաների թափքերը բավական կայուն չեն գտնվել քայքայման հարցում:
Volkswagen-ը հետաքննություն է սկսել այն բանից հետո, ինչ Չինաստանի Կենտրոնական հեռուստատեսությամբ ցուցադրվել է Volkswagen-ի թերությունների մասին հաղորդում: Ավտոմեքենաների հետկանչման գործընթացը սկսվելու է ապրիլի 2-ին, անսարքությունների վերացումը գերմանական ընկերության համար արժենալու է 3 միլիարդ յուան (478.35 միլիոն դոլար):
