Ռուսաստանի Կասպյան նավատորմի ռազմանավերը մայիսին կայցելեն Բաքու
Minval.az-ի փոխանցմամբ՝ Ռուսաստանի Կասպյան նավատորմը միջազգային համագործակցության զարգացման ու ամրապնդման շրջանակներում սկսել է նախապատրաստվել հարևան երկրների նավահանգիստներ այցելելուն:
Այս մասին երեկ հայտարարել է Հարավային ռազմական օկրուգի մամուլի ծառայությունը: Կասպյան նավատորմի «Դաղստան» և «Թաթարստան» հրթիռակիր նավերը, «Վոլգոդոնսկ» ու «Աստրախան» հրետանային փոքր նավերը, ինչպես նաև ապահովման (նաև հիդրոգրաֆիկ նավ) նավերն իրենց շրջագայության շրջանակում առաջին այցը կկատարեն Բաքու:
Դա տեղի կունենա մայիսին: Դրանից հետո ռուսական նավերը բարեկամական այցով կայցելեն Ղազախստանի, Թուրքմենստանի ու Իրանի նավահանգիստներ:
