Իրակլի Օկրուաշվիլիին Ֆրանսիայում գաղտնալսել են Վրաստանի ՊՆ-ից ուղարկած վիրուսի օգնությամբ
Վրացական «Իմեդի» հեռուստաալիքի փոխանցմամբ` Վրաստանի պաշտպանության նախկին նախարար Իրակլի Օկրուաշվիլին հայտարարել է, որ Ֆրանսիայում գտնված ժամանակ իր խոսակցությունները գաղտնալսել են Պաշտպանության նախարարությունից ուղարկված վիրուսի օգնությամբ:
Նա հավելել է, որ տվյալ գործով արդեն իսկ տարվում է հետաքննություն, և դատախազությունը մտադիր է իրեն ճանաչել որպես տուժած կողմ. «Վիրուսն ինձ ուղարկվել է նորանշանակ աշխատակիցներից մեկի կողմից: Ինձ նույնպես հետաքրքիր է, թե ով է նախաձեռնել դա: Նման կերպ գաղտնալսել են իմ ազգականին և շատերին»:
Հիշեցնենք, որ Իրակլի Օկրուաշվիլին իր դեմ ներկայացված մեղադրանքներից վերջնականապես արդարացվեց փետրվարի սկզբին:
