iPhone 5-ն առաջին անգամ պայթեց
Թաիլանդում գրանցվել է iPhone 5-ի պայթյունի առաջին հայտնի դեպքը: Սարքը պայթել է հենց օգտատիրոջ ձեռքերում: Բարեբախտաբար, սարքի տերը վնասներ չի կրել սարքի պայթյունից:
Վերջին մոդելի սարքավորումը անսպասելի կերպով տաքացել է և սկսել է ծխալ այն ժամանակ, երբ սարքի տերը դրանով խոսելիս է եղել: Տղամարդն անմիջապես հեռախոսը նետել է գետնին, որից հետո մի քանի ճայթյուններ են եղել: Սմարթֆոնի տիրոջ խոսքով` դա նման էր հրավառության, հաղորդում է Life News-ը:
Օգտատերը սարքավորումը ձեռք էր բերել ընդամենը 2 ամիս առաջ: Տուժողը նշել է, որ այդ դեպքից հետո ինքն այլևս ձեռնպահ կմնա Apple ընկերության արտադրանիքից օգտվելուց:
Նշենք, որ սա Apple ընկերության ապարատների պայթյունի մասին ստացված առաջին դեպքը չէ. նախկինում նման դեպքերի մասին հաղորդվել են սարքավորման ավելի վաղ թողարկված տարբերակների համար:
