Google Android- ի ղեկավարը փոխվել է
Google Android-ի մշակումների բաժանմունքի ղեկավար Էնդի Ռուբինը թողել է իր պաշտոնը: Ինչպես նշվում է ընկերության պաշտոնական բլոգում, այս մասին հայտնել է Google-ի գլխավոր տնօրեն Լարրի Փեյջը՝ տեղեկացնելով, որ այդ պաշտոնն այսուհետև կզբաղեցնի Google-ի Chrome և Apps նախագծերի գծով ավագ փոխնախագահ Սանդր Պիչայը:
Նշվում է, որ Ռուբինը կշարունակի աշխատել Google-ում: Իսկ թե ինչ պաշտոն կզբաղեցնի նա, դեռևս չի հաղորդվում:
Նշենք, որ Ռուբինը իր աշխատանքային գործունեության ընթացքում մեծ ներդրում է ունեցել Google-ում` Android –ը դարձնելով աշխարհի ամենահայտնի բջջային օպերացիոն համակարգը:
Վերջին վիճակագրական տվյալների համաձայն` աշխարհում ակտիվացվել է արդեն ավելի քան 750 մլն Android-սմարթֆոն և ներբեռնվել է ավելի քան 25 մլրդ հավելված Google Play-ից:
