Ռուս-վրացական տնտեսական ֆորումը Մոսկվայում կանցկացվի ապրիլի սկզբին
Новости-Грузия լրատվական գործակալության փոխանցմամբ՝ ռուս-վրացական տնտեսական ֆորումը տեղի կունենա ապրիլի սկզբին, Մոսկվայում: Այն կլինի ռուս-վրացական առաջին տնտեսական ֆորումը՝ 2006 թվականից հետո:
Ֆորումի շրջանակներում քննարկվելու են տրանսպորտային, էներգետիկ, բանկային, զբոսաշրջային, գյուղատնտեսական ոլորտներին և բիզնեսին առնչվող խնդիրներ:
Ռուսական կողմից ֆորումին մասնակցելու են հասարակական ու մասնավոր կառույցների ներկայացուցիչներ, իսկ վրացական կողմից՝ Վրաստանի բանկերի ասոցիացիայի, Airzena — Georgian Airways ավիաընկերությոն, Վրացական գինու արտահանողների ասոցիացիայի մեջ մտնող ընկերությունների ներկայացուցիչներն ու անկախ փորձագետներ:
Ենթադրվում է, որ մայիսի վերջին մասշտաբային բիզնես հանդիպում կկայանա Թբիլիսիում:
