Վրաերթի է ենթարկել 20-ամյա Գևորգ Ծառուկյանին և դիմել փախուստի
Երեկ՝ մարտի 8-ին, վրաերթ է տեղի ունեցել Երևանում։ Ժամը 20։10-ի սահմաններում Թոթովենց փողոցի թիվ 5 շենքի դիմաց անհայտ մակնիշի և համարանիշի ավտոմեքենայի վարորդը վրաերթի է ենթարկել Նոր Նորքի 2-րդ զանգվածի Մոլդովական փողոցի բնակիչ, 20-ամյա Գևորգ Ծառուկյանին։ Այս մասին հաղորդում է shamshyan.com կայքը:
Ինչպես հայտնում է ֆոտոլրագրող Գագիկ Շամշյանը, վրաերթից հետո վարորդը դիմել է փախուստի, իսկ Գ. Ծառուկյանը մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն։
Փաստի առթիվ ոստիկանության քննչական գլխավոր վարչության Երևանի քննչական վարչության ճանապարհատրանսպորտային հանցագործությունների քննության բաժնի ավագ քննիչ Աշոտ Ասատուրյանի կողմից նյութեր են նախապատրաստվում։
Ոստիկանությունը ձեռնարկում է օպերատիվ-հետախուզական քննչական համատեղ միջոցառումներ՝ հայտնաբերելու համար վրաերթ կատարած վարորդին և ավտոմեքենան։
