Եվրադատարանը հարցեր է ուղղել ՀՀ կառավարությանը
Հայ ազգային կոնգրեսի ներկայացուցիչ Դավիթ Մաթևոսյանի գանգատում նշված խախտումների վերաբերյալ Մարդու իրավունքների եվրոպական դատարանը հարցեր է ուղղել ՀՀ կառավարությանը: Այս մասին «Փաստինֆո»-ի թղթակցին հայտնել է Դ.Մաթևոսյանի ներկայացուցիչ, փաստաբան Մուշեղ Շուշանյանը:
Գանգատում նշվում է, որ Երևանում 2008թ. մարտի 1-2-ի դեպքերի ընթացքում ՀՀ-ի կողմից թույլ են տրվել Մարդու իրավունքների եվրոպական կոնվենցիայի 6-րդ, 10-րդ և 11-րդ հոդվածների՝ Արդար դատաքննության իրավունք, Արտահայտվելու և Հավաքների ու միավորման ազատություն, խախտումներ: ՀԱԿ ներկայացուցիչ, ընդդիմադիր քաղաքական գործիչ Դ.Մաթևոսյանը մարտիմեկյան դեպքերի առնչությամբ հարուցված գործերից մեկով դատապարտվել էր, ապա ազատ արձակվել:
