«Այն ո՞վ է, այն ո՞վ». մամուլ

Գրող Արփի Ոսկանյանը շարունակում է քաղքական հանելուկներ ներկայացնել: «Հայկական Ժամանակ» օրաթերթի այսօրվա համարում տպագրվել է նրա հերթական «Այն ո՞վ է, այն ո՞վ» վերնագրով հանելուկը:

Այն ո՞վ է, այն ո՞վ

Բանկիր է նա, սիրում է փող՝

Ուտել, մարսել, լվանալ,

Օվշորային գոտիներում

Ունի հսկա կապիտալ։

Շատ սիրում է նաև ոսկի,

Հատկապես մեծ քանակով,

Ոսկու պաշար մի ողջ երկրի

Կարող է անել տակով։

Սիրում է ռոք ու ռոքերներ

Ու նկարվել կիթառով,

Պահում է բլոգ ու բլոգերներ

Կուշտ, տակը չոր, ապահով։

Երազող է նա մի խոշոր,

Ունի ճոխ-ճոխ ծրագրեր,

Թե ոնց սարքի երկիրն օվշոր,

Ոնց ծաղկեցնի քաղաքներ։

Գյուղն էլ է շատ հարգում-սիրում

Ու երազում զարգացնել,

Չի զլանում նա գյուղացուն

Սովորեցնել կով կթել։

Ով գաղթում է դուրս` մի գործի,

Ասում է՝ հաջողություն,

Որ չմնա ու չփորձի

Անել հեղափոխություն։

Կնոջն անգամ, զավակներին

Հանուն ապահովության,

Դարձրել է քաղաքացի

Ուրիշ, կարգին պետության։

Հայերենից չի ակնածում,

Հարգում է այլ լեզուներ,

Ցանկանում է վերաբացել

Ռուսալեզու դպրոցներ։

Ինքը՝ այդքան կոսմոպոլիտ,

Առաջադեմ, լայնախոհ,

Բլոգերներն իր՝ կղերամիտ,

Ազգայնական, հոմոֆոբ։

Ուզո՞ւմ է նա, թե՞ չի ուզում

Բազմազանության շքերթ,

Այս հարցերն են նրան հուզում՝

Թե ի՞նչ, որտե՞ղ, մեկ էլ՝ ե՞րբ։

ԱՐՓԻ ՈՍԿԱՆՅԱՆ