Հայաստանը կհանձնի՞ «օրենքով գող» «Զապին». մամուլ
«Պրահայի քաղաքային դատարանը հեռակա կարգով 22 տարվա ազատազրկման է դատապարտել «օրենքով գող» Անդրանիկ Սողոյանին (Ջապ)՝ հայ գործարարի սպանությունը պատվիրելու համար։ Մեր տեղեկություններով՝ Ա. Աողոյանը բնակվում է Գյումրիում»,- գրում է «Ժամանակ» օրաթերթը և շարունակում.
«Արդարադատության նախարարության մամլո խոսնակ Կարինե Քալանթարյանից երեկ «Ժամանակը» հետաքրքրվեց՝ Հայաստանը կհանձնի՞ «օրենքով գող» Անդրանիկ Սողոյանին։ Ըստ մամլո խոսնակի՝ քանի որ ազատազրկման որոշումը նոր է հրապարակվել, Հայաստանն առայժմ Ա. Սողոյանին հանձնելու որոշում չունի։ Նա նաև նկատեց՝ երբ առաջանում է նման անհրաժեշտություն, ապա, «հանձնման մասին» 1957թ. Եվրոպական կոնվենցիայի համաձայն, Հայաստանը դա կատարում է»։
