Սաակաշվիլին ու Իվանիշվիլին պայմանավորվել են հանդիպման շուրջ
Новости-Грузия լրատվական գործակալության փոխանցմամբ` Վրաստանի վարչապետ Բիձինա Իվանիշվիլին ընդունել է նախագահ Միխեիլ Սաակաշվիլիի առաջարկը, ինչը նշանակում է, որ նրանք հանդիպելու են մարտի 4-ին: Այս մասին հայտարարել է Բիձինա Իվանիշվիլիի մամուլի ծառայությունը:
Վերջինիս հաղորդմամբ` Իվանիշվիլին պատրաստ է մարտի 4-ի առավոտյան հանդիպել Սաակաշվիլիի հետ: Իվանիշվիլին երեքշաբթի Սաակաշվիլիին առաջարկել էր կողմնորշվել սահմանադրական փոփոխությունների հարցում, որոնք սահմանափակում են նրա իրավունքը: Սաակաշվիլին պատրաստակամություն էր հայտնել տվյալ հարցով հանդիպել Իվանիշվիլիի հետ:
