Սաֆար Աբիևը հանդիպել է Աբդուլլահ Գյուլի և Ռեջեփ Էրդողանի հետ
Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար Սաֆար Աբիևն իր թուրքական այցի շրջանակներում հանդիպել է Թուրքիայի նախագահ Աբդուլլահ Գյուլի ու վարչապետ Ռեջեփ Էրդողանի հետ: Այս մասին հայտարարել է Ադրբեջանի ՊՆ-ի մամլո ծառայությունը:
Վերջինիս հաղորդմամբ՝ այդ հանդիպումներում կողմերը քննարկել են երկկողմանի համագործակցությանն առնչվող հարցեր: Բացի այդ, Սաֆար Աբիևը հանդիպել է նաև Թուրքիայի պաշտպանական արդյունաբերության փոխնախարար Ֆարուք Օզլյուի հետ:
Հիշեցնենք, որ սրանից առաջ էլ Սաֆար Աբիևը Թուրքիայում հանդիպել է իր թուրք գործընկեր Իսմեթ Յըլմազի և գլխավոր շտաբի պետ Նեջդեթ Օզելի հետ:
