Ադրբեջանի պաշտպանության նախարարը մեկնել է Անկարա
Ադրբեջանական Trend լրատվական գործակալության փոխանցմամբ՝ Ադրբեջանի պաշտպանության նախարար, գեներալ-գնդապետ Սաֆար Աբիևը մեկնել է Անկարա: Այս մասին նշված է Ադրբեջանի պաշտպանության նախարարության տարածած հաղորդագրությունում:
Դրանում նաև ասվում է, որ Աբիևի թուրքական այցը կայանում է Թուրքիայի պաշտպանության նախարար Իսմեթ Յըլմազի հրավերի հիման վրա: Աբիևի թուրքական այցի շրջանակներում քննարկվելու են ռազմական ոլորտին առնչվող հարցեր:
Հիշեցնենք, որ մարտին Ադրբեջանում տեղի են ունենալու «Կովկասյան արծիվ 2013» զորավարժությունները, որոնց մասնակցելու են Թուրքիայի, Վրաստանի ու Ադրբեջանի հատուկջոկատայինները:
