Vertu ընկերությունը կթողարկի Android համակարգով աշխատող բջջային հեռախոս
Blog of Mobile բլոգի փոխանցմամբ՝ Vertu ընկերությունը Android օպերացիոն համակարգով աշխատող բջջային հեռախոս կթողարկի: Ինչպես հայտնի է, նախկինում Vertu-ն պատկանում էր բջջային հեռախոսներ արտադրող Nokia ընկերությանը. այժմ, երբ ընկերությունը պատկանում է մեկ այլ` EQT ընկերության, Vertu-ն որոշել է արտադրել Android օպերացիոն համակարգով աշխատող բջջային հեռախոս:
Ընկերությունում հավատացած են, որ այս դեպքում կբարձրանա իրենց արտադրած բջջային հեռախոսների հեղինակությունը, ինչպես նաև կմեծանա արտադրանքից օգտվողների քանակը:
Չնայած նոր մոդելի բջջային հեռախոսը դեռ չի թողարկվել, մասնագետներն արդեն նշում են, որ հեռախոսը բավական թույլ է. նրանք կարծում են, որ հեռախոսի մարտկոցի հզորությունը մեծ չէ, բացի այդ, ըստ նրանց՝ հեռախոսն աշխատելու է հին օպերացիոն համակարգով:
