Հայրիկյանով մտահոգված է նաև ԺՀՄԻԳ ղեկավարը
ԵԱՀԿ Ժողովրդավարական ինստիտուտների և մարդու իրավունքների գրասենյակի ԺՀՄԻԳ ղեկավար Յանեշ Լենարչիչն իր մտահոգությունն է հայտնել ՀՀ նախագահի թեկնածու Պարույր Հայրիկյանի դեմ իրականացված մահափորձի կապակցությամբ: «Ես բոլոր շահագրգիռ կողմերին կոչ եմ անում զերծ մնալ ցանկացած գործողությունից, որոնք կարող են ավելի բարդացնել իրավիճակը: Միևնույն ժամանակ, համապատասխան կառույցները պետք է իրականացնեն այս հանցագործության մանրակրկիտ հետաքննություն և պարզեն մեղավորներին»,- ասել է Լենարչիչը:
Հիշեցնենք, որ ԵԱՀԿ ԺՀՄԻԳ դիտորդներն արդեն սկսել են դիտորդական առաքելություն իրականացնել փետրվարի 18-ին նշանակված նախագահական ընտրությունների կապակցությամբ:
