Գերմանիայի խորհրդարանական ընտրությունները կանցկացվեն սեպտեմբերի 22-ին
Ռուսական РИА Новости լրատվական գործակալության փոխանցմամբ՝ Գերմանիայի կառավարությունը երկրի նախագահին առաջարկելու է այս տարի կայանալիք խորհրդարանական ընտրությունները նշանակել սեպտեմբերի 22-ին: Այս մասին հայտնել է Գերմանիայի կանցլեր Անգելա Մերկելի կուսակցության գլխավոր քարտուղար Հերման Գրոեն:
Ենթադրվում է, որ Նախարարների կաբինետը տվյալ առաջարկը պաշտոնապես ներկայացնելու է հաջորդ շաբաթ: Գերմանիայի խորհրդարանի լիազորությունների ժամկետը կազմում է 4 տարի, խորհրդարան մուտք գործելու համար կուսակցությունից պահանջվում է հաղթահարել նախընտրական 5 տոկոսանոց շեմը:
