Լիբիան հրաժարվել է Քադաֆիի պատկերով հին թղթադրամներից
Libya Herald-ի փոխանցմամբ՝ Լիբիայում շրջանառության մեջ են դրվել նոր թղթադրամներ, որոնցում պատկերված չէ երկրի նախկին առաջնորդ Մուամմար Քադաֆին: Մասնավորապես, շրջանառության մեջ են դրվել 1, 5, 10 և 20 դինար արժողությամբ թղթադրամներ, որոնց վերնամասում բացակայում է Քադաֆիի պատկերը:
Քադաֆիի տապալումից հետո սկզբնական շրջանում սահմանափակվեց նրա պատկերով հին թղթադրամների գործունեության ժամկետը: Վերջինս ավարտվել էր դեռևս նախորդ տարվա նոյեմբերին, սակայն որոշվել էր ժամկետը երկարաձգել մինչև 2013 թվականի փետրվարը: Լիբիան պլանավորել է նաև մոտ ժամանակներս թողարկել նոր մետաղադրամներ:
