30-ամյա երիտասարդին բերման են ենթարկել վայրի այծյամ որսալու համար
Հունվարի 30-ին, ժամը 20:00-ի սահմաններում, ԼՂՀ ոստիկանության Շահումյանի շրջբաժնի ծառայողների կողմից օպերատիվ միջոցառումներ իրականացնելիս, Շահումյանի շրջանի «Աղդաբանի խաչմերուկ» կոչվող տեղամասից բերման է ենթարկվել Դադիվանք գյուղի բնակիչ` 30-ամյա Ս. Մ-ն, ում ուսապարկում զննությամբ հայտնաբերվել է 1 վայրի այծյամ, որը որսացել է իրեն պատկանող 16 մմ տրամաչափի երկփողանի որսորդական հրացանով:
ԼՂՀ ոստիկանության փոխանցմամբ` որսն ու հրացանն առգրավված է:
