Փասադենայում կառուցվելու է Հայոց ցեղասպանությանը նվիրված հուշահամալիր
Hye Tert-ի (Հայ թերթ) փոխանցմամբ՝ 2015 թվականին Հայոց ցեղասպանության հարյուրամյակի կապակցությամբ աշխարհում ավելանում են Հայոց ցեղասպանությանը նվիրված հուշահամալիրների քանակը:
Los Angeles Times թերթի համաձայն՝ Հայոց ցեղասպանությանը նվիրված հուշահամալիր է կառուցվելու Լոս Անջելեսին մոտ ընկած Փասադենա քաղաքում: Այն բացվելու է 2015 թվականի ապրիլի 24-ին:
Երեքշաբթի հայտարարվել է այդ հուշահամալիրի դիզայնի մրցույթի հաղթողի անունը: Հաղթող է ճանաչվել Փասադենայի արվեստի կենտրոնի քոլեջի ուսանող, 26-ամյա Քեթրին Մենարդը: Փասադենայի Հայոց ցեղասպանության հուշահամալիրի հանձնաժողովը նրա տարբերակը որակել է որպես «զգացական առումով համոզիչ և հետագա սերունդներին ոգեշնչող»:
