Ինչո՞ւ է Սարգսյանը դեմ քվեարկել իր թեկնածությանը
Այսօր ԱԺ ՀԱԿ խմբակցության նիստում որոշում է կայացվել, որ ԱԺ էթիկայի հարցերի հանձնաժողովում Նիկոլ Փաշինյանին կփոխարինի ՍԴՀԿ ատենապետ Լյուդմիլա Սարգսյանը: Նիկոլ Փաշինյանը այդ հանձնաժողովում ՀԱԿ-ը ներկայացրեց երկու նստաշրջան:
Ինչպես մեզ տեղեկացրեց Լյուդմիլա Սարգսյանը, իր թեկնածությունը քվեարկվել է խմբակցության նիստում և անցել է հինգ կողմ մեկ դեմ հարաբերակցությամբ: Դեմ է քվեարկել միայն ինքը: Մեր հարցին թե ինչու է դեմ քվեարկել տիկին Սարգսյանը պատասխանեց. «Կարծում եմ մեր խմբակցությունում կան ավելի փորձառու և էթիկայի հանձնաժողովում աշխատելու համար ավելի պատրաստ գործիչներ»:
Հիշեցնենք, որ էթիկայի հարցերի հանձնաժողովումի նախագահի պաշտոնը ռոտացիոն կարգով զբաղեցնում են ամենամեծ իշխանական և ընդդիմադիր` ՀՀԿ և ՀԱԿ խմբակցությունների ներկայացուցիչները: ԱԺ հինգերորդ գումարման երրորդ նստաշրջանում, որը սկսվելու է փետրվարի 4-ին էթիկայի հաննաժողովի նախագահը լինելու է ՀՀԿ ներկայացուցիչը, քանի որ երկրորդ նստաշրջանում հանձնաժողովի նախագահը ՀԱԿ ներկայացուցիչ Նիկոլ Փաշինյանն էր:
