Երբ բողոքում է Չավին
«Բարսելոնայի» կիսապաշտպան Չավին խոսել է Մադրիդի «Ռեալի» հետ Իսպանիայի գավաթի կիսաեզրափակիչ առաջին հանդիպման (1։1) մասին։
««Ռեալը» միայն նկատվում էր այն ժամանակ, երբ մենք կորցնում էինք գնդակը։ Մենք ավելի լավ խաղացինք։ Գոլը, որը մադրիդցիները խփեցին, հետևեց անարդար կերպով նշանակված անկյունային հարվածին։ Իսկ Կրիշտիանո Ռոնալդուն պետք է դեղին քարտ ստանար կանոնները խախտելու համար (եթե Ռոնալդուն դեղին քարտ ստանար, ապա բաց կթողներ պատասխան հանդիպումը – խմբ.)։
Սեփական հարկի տակ ոչինչ չի փոխվի։ «Բարսելոնան» թելադրելու է իր խաղը։ Դեռ հայտնի չէ, թե ով կնվաճի եզրափակչի ուղեգիր, սակայն այսօր մենք, միանշանակ, ավելիին էինք արժանի», – իսպանացու խոսքերն է մեջբերում Marca-ն։
Մարզական լրահոսն ապահովում է SportArmenia.com-ը
