ԱՄՆ-ում անհայտ անձը գրասենյակային շենքում կրակ է բացել մարդկանց վրա
USA Today թերթի փոխանցմամբ՝ անհայտ անձը երեկ ԱՄՆ Արիզոնա նահանգի վարչական կենտրոն Ֆինիքս քաղաքի գրասենյակային շենքերից մեկում կրակ է բացել մարդկանց վրա: Տեղական իշխանությունները հայտնում են, որ դրա հետևանքով վիրավորվել է նվազագույնը երեք մարդ:
Ականատեսների վկայությամբ զինված տղամարդուն հաջողվել է դեպքի վայրից ճողոպրել սպիտակ գույնի ավտոմեքենայով: Այս տեղեկատվությունը պաշտոնապես դեռ չի հաստատվել: Միջադեպից հետո անմիջապես դեպքի վայր է ժամանել մի քանի տասնյակ ոստիկանական մեքենա, շենքը շրջապատվել է: Այլ մանրամասներ առայժմ չեն հաղորդվում:
