Հիանալի կլիներ, եթե Ռոնալդուն և Մոուրինյոն տեղափոխվեին ՊՍԺ. Իբրահիմովիչ
ՊՍԺ-ի հարձակվող Զլատամ Իբրահիմովիչը մեկնաբանել է վերջին շրջանում մամուլում շրջանառվող այն լուրերը, թե Մադրիդի «Ռեալի» գլխավոր մարզիչ Ժոզե Մոուրինյոն և հարձակվող Կրիշտիանո Ռոնալդուն կարող են հայտնվել փարիզյան ակումբում։
«Դա հիանալի նորություն կլիներ ամբողջ թիմի համար, քանի որ Մոուրինյոն մեծ մարզիչ է, աշխարհում լավագույններից մեկը, իսկ Ռոնալդուն աշխարհի լավագույն ֆուտբոլիստներից մեկն է։
Սակայն այսօր դա իրատեսական չէ։ Կարելի է անընդհատ երազել այդ մասին, բայց միչև այն պահը, քանի դեռ դա չի իրականացել, իմաստ չունի այդ մասին խոսել», – շվեդ ֆուտբոլիստի խոսքերն է մեջբերում Marca-ն։
Մարզական լրահոսն ապահովում է SportArmenia.com-ը
