Հոլանդացի նկարիչն արհեստական ամպեր է լուսանկարում դատարկ սենյակներում (տեսանյութ, լուսանկարներ)
Podrobnosti.ua-ի փոխանցմամբ՝ Լոնդոնի պատկերասրահներից մեկում բացվել է երիտասարդ հոլանդացի նկարիչ Բեռնդնաուտ Սմայլդի լուսանկարների հավաքածուն, որը ստացել է «Աներևակայելի» անվանումը: Հոլանդացին փակ սենյակներում լուսանկարում է ամպեր:
Արհեստական ամպ հաջողվել է ստեղծել ծուխ արտադրող սարքի օգնությամբ, սենյակում պահպանվում է որոշակի ջերմաստիճան ու խոնավություն: Այդպիսի լուսանկարների ստեղծման հարցում նկարիչը ոգեշնչվել է թանգարանների վիթխարի դատարկ սրահներից: Նա ցանկացել է մի փոքր կենդանություն հաղորդել այդ տխուր պատկերին:
Ամպը միայն ծխի ու լույսի համակցությունն է այդպիսի սենյակներում: Բարդությունը կայանում է նրանում, որ այդպիսի էֆեկտ ստեղծվում է արհեստական ճանապարհով, որը տևում է մի քանի վայրկյան, ինչի համար էլ անհրաժեշտ է հասջողեցնել լուսանկարել ամպի առաջանալու պահը:
