Ամենահարուստ թոփ մոդելը 20 մլն դոլարանոց տուն է կառուցել Շվարցենեգերի և Հայդի Քլումի առանձնատների հարևանությամբ (լուսանկարներ)
Աշխարհի ամենահարուստ թոփ մոդել, միաժամանակ՝ նաև բիզնես լեդի Ժիզել Բունդհենը և նրա ամուսինը` Տոմ Բրեդին Լոս Անջելեսի ամենաէլիտար թաղամասերից մեկում` Բրենթվուդում, կառուցել են նոր առանձնատուն, որի շինարարության համար ծախսել են 20 մլն դոլար: Այժմ Բունդհենի հարևանների շարքում են դերասան և քաղաքական գործիչ Առնոլդ Շվարցենեգերը և թոփ մոդել Հայդի Քլումը: Ժիզելի, Թոմի և նրանց փոքրիկ դստեր` Վիվիենի առանձնատունն ունի 8 ննջարան, վերելակ, սպա-սրահ, լողավազան և փոքր ջրվեժ:
Բացի այդ, առանձնատան բակում կա բասկետբոլի խաղահրապարակ, մարզման սրահ, ինչպես նաև՝ գինու ստորգետնյա մառան: Կալվածքի տարածքում անգամ փոքր կամուրջ կա, որը կապում է արհեստական գետակի երկու ափերը: Բացի այդ, առանձնատունն ունի 6` լյուքս դասի մեքենաների համար նախատեսված ավտոտնակ:
