Պենելոպե Քրուզը նիհարում է՝ ականջի ասեղների միջոցով (լուսանկարներ)
Աշխարհահռչակ դերասանուհի Պենելոպե Քրուզը նիհարելու համար դիմել է արևելյան բժշկության մեթոդներին: Դերասանուհին ականջին ոսկե ասեղներ է կրում, որոնք նրան օգնում են ազատվել որդու ծնունդից հետո հավաքած ավելորդ կիլոգրամներից: Նշված մեթոդը՝ ակուպունկտուրան, արևելյան բժշկության այն ճյուղերից է, որը մեծ տարածում է գտել նաև Եվրոպայում:
Պենելոպե Քրուզի կրած ոսկե ասեղներն ազդում են օրգանիզմի այն հատվածների վրա, որոնցով անցնում են էներգետիկ հոսանքները: Ասեղները տեղադրվում են ականջին և ազդում ներքին օրգանների վրա: Ոսկե աստղերն օգնում են ազատվել ոչ միայն ավելորդ քաշից, այլ նաև թմրամիջոցներից ունեցած կախվածությունից, դուրս գալ դեպրեսիայից: Հաշվի առնելով, որ Պենելոպե Քրուզը երբեք թմրամիջոցներ չի օգտագործել, դեպրեսիա չի ապրում, լրագրողները կարծում են, որ դերասանուհին դրանք օգտագործում է նիհարելու համար:
