Շուտով Իրանը կներկայացնի երրորդ սերնդի իր կործանիչները
Իրանական Mehr լրատվական գործակալության փոխանցմամբ ՝ մոտ ժամանակներս Իրանում տեղի կունենա երրորդ սերնդի կործանիչների շնորհանդեսը: Այս մասին հայտարարել է Իրանի պաշտպանության նախարար, գեներալ Ահմադ Վահիդին:
Վերջինիս խոսքերով՝ իրանցի մասնագետների ստեղծած նոր մոդելի կործանիչ-ռմբակոծիչը նախատեսված է ցամաքային ու օդային թիրախների ոչնչացման համար: 1979 թվականին Իրանում տեղի ունեցած Իսլամական հեղափոխության հաղթանակից հետո Իրանում ստեղծվել են առաջին սերնդի «Ազերհաշ» (Կայծակ) կործանիչ-ռմբակոծիչը և երկրորդ սերնդի «Սաեգե» (Որոտ) տակտիկական կործանիչը:
