Քուրդ պատգամավորը կարծում է, որ Փարիզում PKK-ի ակտիվիստուհիների սպանությունը կարող է կազմակերպած լինել Իրանը
Թուրքական Ilke Haber լրատվական կայքի փոխանցմամբ՝ Մարդինից ընտրված քուրդ պատգամավոր, Դեմոկրատական հասարակություն կոնգրեսի համանախագահ Ահմեթ Թուրքը մեկնաբանել է օրեր առաջ Փարիզում «Քրդստանի աշխատավորական» կուսակցության (PKK) երեք ակտիվիստուհիների՝ Սաքինե Ջանսըզի, Ֆիդան Դողանի և Լեյլա Շայլեմեզի սպանությունը, որոնցից առաջինը հանդիսանում է PKK-ի հիմնադիրներից մեկը:
Հիշեցնենք, որ հունվարի 10-ին իրականացված այդ սպանությունը դատապարտել էին Թուրքիայի ու Ֆրանսիայի իշխանությունները, Թուրքիան անգամ իր օգնությունն էր առաջարկել Ֆրանսիային՝ այդ սպանության բացահայտման համար: Ահմեթ Թուրքը կարծիք է հայտնել, որ այդ սպանությունը կարող է կազմակերպած լինել Իրանը:
Իր այս մոտեցումը քուրդ պատգամավորը բացատրում է նրանով, որ եթե Թուրքիայում լուծում ստանա «Քրդական» (PKK) հարցը, ապա նա կվերածվի տարածաշրջանային միակ ուժի, ինչն իր ազդեցությունը կունենա նաև սիրիական ճգնաժամի վրա:
