Օրեր անց Բաքու կժամանի թուրքական ռազմական պատվիրակությունը
Ադրբեջանական Haqqin.az ինտերնետային թերթի փոխանցմամբ՝ հունվարի 22-25-ին Ադրբեջան է ժամանելու Թուրքիայի պաշտպանության նախարարության ու պաշտպանական արդյունաբերության ոլորտում գործունեություն ծավալած հանրահայտ ընկերությունների ներկայացուցիչներից բաղկացած պատվիրակությունը:
Այդ այցի շրջանակներում Բաքվում տեղի է ունենալու երկու երկրների միջև պաշտպանական արդյունաբերության ոլորտում համագործակցության գծով առաջին նիստը: Դրանում քննարկվելու են երկու երկրների պաշտպանության ու պաշտպանական արդյունաբերության ոլորտներում համագործակցության հնարավորության հեռանկարները:
Թուրքական ընկերությունները նաև իրենց արտադրատեսակների շնորհանդեսն են իրականացնելու Ադրբեջանի պաշտպանության նախարարությունում, այլ ռազմական ու ուժային կառույցներում:
