Գիտնականները Մադագասկար կղզում հայտնաբերած նոր մողեսին անվանել են Մոբի Դիկի անունով
Ռուսական ИТАР-ТАСС լրատվական գործակալության փոխանցմամբ՝ Մադագասկարում հայտնաբերվել է մողեսի նոր տեսակ, որին գիտնականներն անվանել են «Մոբի Դիկ»՝ ի պատիվ ամերիկացի հայտնի գրող Հերման Մելվիլի նույնանուն վեպի հերոս, սպիտակ կետ Մոբի Դիկի:
Դրա պատճառը մողեսի առջևի լողաթիակաձև վերջույթներն են: Sirenoscincus mobydick-ը հայտնաբերվել է Հնդկական օվկիանոսում գտնվող այդ կղզու հյուսիս-արևմուտքում ընկած չոր անտառներում: Մողեսը բնակվում է գետնի տակ, ինչի համար էլ նրա մաշկը կորցրել է պիգմենտացիան, իսկ աչքերը գործնականում անհետացել են: Առջևի վերջույթները դեռ պահպանվում են, իսկ հետին վերջույթները՝ ոչ:
