Շիրակի մարզի մի շարք բնակելի տներում փլուզումներ են եղել
Շիրակի մարզի Հողմիկ գյուղի մի քանի բնակելի տներում փլուզումներ են տեղի ունեցել: Ինչպես «Արմենպրես»-ին տեղեկացրել են ՀՀ արտակարգ իրավիճակների նախարարությունից, հունվարի 11-ին փլուզվել է Շիրակի մարզի Հողմիկ գյուղի երկրորդ փողոցի թիվ 10 տան անասնագոմի պատը`30 քմ եւ տանիքը` 84 քմ ընդհանուր մակերեսով:
Հունվարի 12-ին փլուզվել է նույն գյուղի 7-րդ փողոցի 1-ին նրբանցքի թիվ 2 տան տանիքը` 66 քմ և պատը՝ 33 քմ ընդհանուր մակերեսով:
Իսկ հունվարի 13-ին փլուզվել է Հողմիկի 2-րդ փողոցի թիվ 1 տան տանիքը`160 քմ ընդհանուր մակերեսով: Զոհեր և տուժածներ չկան:
