ԵՄ-ը կարող է Google-ին մեղադրել հակամոնոպոլ օրենսդրության խախտման մեջ
Reuters լրատվական գործակալության փոխանցմամբ՝ ԵՄ-ը մտադիր է Google ընկերությանը ստիպել փոխել որոնումների արդյունքների պատկերը: Եթե ամերիկյան ընկերությունը հրաժարվի կատարել Բրյուսելի պահանջները, ապա նա կարող է մեղադրվել հակամոնոպոլ օրենսդրության խախտման մեջ:
Մրցակցության գծով եվրահանձնակատար Խոակին Ալմունիան հայտարարել է, որ Google ընկերությունն օգտատերերին ուղղորդում է սեփական ծառայություններ, որով և խեղաթյուրում է օգտատերերի պահանջները և նվազեցնում է մրցակցությունը՝ գերշահույթ ստանալու նպատակով:
Ալմունիան հավելել է, որ ԵՄ-ը չի հետաքրքրվում Google-ի որոնողական ալգորիթմներով, որոնք հանդիսանում են կոմերցիոն խիստ գաղտնիք և փոխարենը հետաքրքրվում է միայն նրանով, թե այդ ընկերությունն ինչպես է ներկայացնում որոնման արդյունքները: ԵՄ-ն այս գործը հետաքննում է արդեն իսկ երկու տարի:
Նշվում է, որ Եվրոպայում ինտերնետային որոնման սեգմենտում Google-ի մասնաբաժինը կազմում է 90 տոկոս:
