Ստամբուլում դաժանաբար սպանվել է հայկական դպրոցի ուսուցիչ
Թուրքական Ihlas լրատվական գործակալության փոխանցմամբ՝ Ստամբուլում սպանվել է Քադըքյոյ թաղամասում գտնվող հայկական դպրոցի մի ուսուցիչ: Խոսքը 40-ամյա Իլքեր Շահինի մասին է, ով 8 տարի շարունակ աշխատում էր այդ դպրոցում՝ աշակերտներին սովորեցնելով տիրապետել համակարգչային հմտություններ:
Շահինի ընկերները հայտարարել են, որ 3 օր որևէ լուր չեն ստացել իրենց ընկերոջ մասին, ինչից հետո որոշել են այցելել նրա բնակարան: Այստեղ նրանք Շահինին հայտնաբերել են դաժանաբար սպանված՝ կոկորդը կտրած վիճակում: Տարվում է հետաքննություն:
Հիշեցնենք, որ ամանորի շեմին Ստամբուլում դաժանաբար սպանվել էր հայազգի տարեց կին Մարիսա Քյուչուքը:
