Երևանում տեղի կունենա Խուլիո Իգլեսիասի մենահամերգը
69-ամյա իսպանացի աշխարհահռչակ երգիչ Խուլիո Իգլեսիասը մարտի 18-ին մենահամերգով հանդես կգա Երևանում: Համերգը տեղի է ունենալու Կարեն Դեմիրճյանի անվան մարզահամերգային համալիրում:
Այս մասին տեղեկանում ենք երգչի պաշտոնական էջից, որում հրապարակված լուսանկարից պարզ է դառնում, որ երգիչը մինչ Հայաստան ժամանելը համերգներով հանդես է գալու Ռուսաստանում և Ուկրաինայում: Երևանյան համերգներից հետո` մարտի 21-ին, Խուլիո Իգլեսիասը մեկնելու է Դուբայ:
Առաջիկայում 168.am-ը կտեղեկացնի համերգի այլ մանրամասների մասին:
