Samsung-ը կհայտարարի ռեկորդային շահույթի մասին
Բջջային հեռախոսներ և հեռուստացույցներ արտադրող խոշորագույն ընկերությունը՝ Samsung-ը, 2012 թվականի 4-րդ եռամյսակում ռեկորդային շահույթ է ունեցել։
Նման եզրակացության են եկել վերլուծաբանները՝ ուսումնասիրելով այսօր հրապարակված նախնական հաշվետվությունը։ Ընկերության հաղորդագրության մեջ շահույթի կոնկրետ չափը չի նշվում, սակայն ասվում է, որ այն աճել է 89%-ով։
Միևնույն ժամանակ, ըստ Bloomberg-ի, բջջային հեռախոսների վաճառքի ծավալները կրկնապակտվել են։ Դրան նպաստել է Samsung-ի մարտավարությունը։ Ընկերությունը սպառողին առաջարկում է բավականին լայն ընտրանի՝ սկսած ամենահասարակ էժան հեռախոսներից մինչև շատ թանկարժեք մոդելներ։ Ընկերության հիմնական մրցակցի՝ Apple-ի գործերը, նույնքան հաջող չեն։
