Դի Մատեոն կարող է գլխավորել Բլեքբըրնը
«Չելսիի» նախկին գլխավոր մարզիչ Ռոբերտո դի Մատեոն կարող է երկար առանց աշխատանքի չմնալ։ Ինչպես հայտնում է Goal.com-ը, «Բլեքբըրնի» ղեկավարությունը նոր գլխավոր մարզչի պաշտոնում դիտարկում է հենց նրա թեկնածությունը։
Բանն այն է, որ օրերս ակումբը պաշտոնանկ է արել Հենինգ Բերգին, ով ընդամենը 57 օր աշխատեց «Բլեքբըրնում», և այժմ ակումբի ղեկավարությունը կրկին մարզչի որոնումների մեջ է։
Նշվում է, որ բացի Դի Մատեոյից, այդ պաշտոնում դիտարկվում է նաև ՔՊՌ-ից հեռացած Մարկ Հյուզի թեկնածությունը։
Մարզական լրահոսն ապահովում է SportArmenia.com-ը
