Հայտնաբերվել է զինվորի դի
ԼՂՀ սահմանների և հայ ժողովրդի անվտանգությունն ապահովելու ընթացքում, դեկտեմբերի 23-ին՝ ժամը 15.30-ի սահմաններում, N զորամասի մարտական հենակետում հայտնաբերվել է պարտադիր ժամկետային զինծառայող, 1992թ. ծնված շարքային Դավիթ Սարգսի Սարգսյանի դին՝ մահացու հրազենային վնասվածքով: Այս մասին տեղեկացնում է ԼՂՀ պաշտպանության նախարարությունը:
Ինչպես տեղեկացնում են ԼՂՀ ՊՆ մամուլի ծառայությունից՝ փաստի առթիվ հարուցվել է քրեական գործ: Կատարվում է նախաքննություն:
ԼՂՀ պաշտպանության նախարարությունը կիսում է ծանր կորստյան վիշտը և իր զորակցությունը հայտնում զոհվածի ընտանիքի անդամներին, հարազատներին և ծառայակիցներին:
