«Մատաղիսի» գործով մեղադրյալներին դատարանը անմեղ է ճանաչել
Շիրակի մարզի ընդհանուր իրավասության դատարանը քիչառաջ անմեղ է ճանաչել աղմկահարույց «Մատաղիսի» գործով մեղադրյալ երեք երիտասարդներին: Դատարանում այս պահին տասնյակ մարդիկ են հավաքված, ովքեր միաբերան «ուռա» են վանկարկում: Հուզված են ինչպես տղաները, նրանց ծնողները, երիտասարդներին սատարելու համար հավաքված բազմությունը, այլ նույնիսկ դատական կատարածուները:
Հիշեցնենք, որ այս գործը ձգվել է շուրջ 9 տարի: Հավելենք նաև, որ այսօր առավոտյան «Human Rights Watch» կազմակերպությունը հրատապ նամակը է ուղարկել ՀՀ գլխավոր դատախազ Աղվան Հովսեփյանին՝ Մատաղիսի գործի վերաբերյալ:
Մեղադրյալներից Արայիկ Զալյանը հայտարարել է, որ ինքը սպասում էր այդ վճռին, մյուս երկուսը՝ Մուսա Սերոբյանը և Ռազմիկ Սարգսյանը նշել են, որ իրենք անակնկալի են եկել: Երիտասարդներն անկեղծացել են, որ պլանավորելու են իրենց ապագան և վերջապես ամուսնանալու են:
