Ո՞ր «պրոդուկտն» է հետաքրքրում ԱԱԾ-ին. մամուլ
«Երևույթին շատ վատ եմ վերաբերվում, մանավանդ` մեր օրենքները թույլ չեն տալիս»,- երեկ ՀՀԿ խմբակցության ղեկավար Գալուստ Սահակյանը այսպես մեկնաբանեց Լևոն Զուրաբյանի և Վարդան Օսկանյանի սրճարանային զրույցի հայտնի ձայնագրությունը:
Նրա խոսքերով` «Դա կարող է ինչ-որ մեկի բջջայինով արած լինել, կարող է այդ պահին մարդիկ են եղել, որոնք ներկա են եղել և ձայնագրել են: Տարբեր կարծիքներ կան: Ինչ վերաբերում է ԱԱԾ-ին, ես չեմ կարծում, որ երկու զրուցակիցները էն պրոդուկտն են, որ պիտի հետաքրքրեր ԱԱԾ-ին»: Aravot.am-ի հարցին` բա ո՞ր «պրոդուկտն» է հետաքրքրում ԱԱԾ-ին` նա պատասխանեց. «Մեր ազգային անվտանգությունը: Նրանք ազգի համար վտանգավոր չեն»: Մենք հետաքրքրվեցինք` բայց զուտ Հանթսմանի գործով Վարդան Օսկանյանը հետաքրքրում էր ԱԱԾ-ին, նա պատասխանեց` դա այլ խնդիր էր. «Յուրաքանչյուր մարդու հետ էլ կարող էր դա պատահել: Դա քննության ենթակա խնդիր է, որին, կարծում եմ, դեռևս շուտ է գնահատական տալ»»,- գրում է «Առավոտ» օրաթերթը:
