«Շատ քիչ քաղաքական գործիչներ կան, որոնց մոտ քաղաքականությունն ու բարոյականությունը համատեղելի են». Դավիթ Սահակյանց
Համատեղելի՞ են արդյոք քաղաքականությունն ու բարոյականությունը: Հարց, որին, թերևս, դժվար է միանշանակ պատասխանել:
Մուլտիպլիկատոր Դավիթ Սահակյանցը կարծում է, որ շատ քիչ քաղաքական գործիչներ կան, որոնց մոտ այս երկու երևույթները խաչվում են:
«Տեսնելով այն, ինչ կատարվում է ամբողջ աշխարհում, և այն, թե ինչպիսի «բարոյական» լոզունգների տակ են անբարոյականություններ կատարվում, ես սկսում եմ կասկածել` արդյոք քաղաքականության մեջ կա՞ բարոյականություն, թե՞ ոչ: Ես կորցնում եմ հավատս, որ կան այնպիսի գործիչներ, որոնց դեպքում քաղաքականությունն ու բարոյականությունը համատեղելի են: Բայց, իհարկե, կան եզակի դեմքեր, ովքեր մաքուր մտքերով և լավ նպատակների համար են աշխատում»:
