Ոչ հերքեց, ոչ էլ հաստատեց
«ԲՀԿ-ն նախագահական ընտրությունների իր մասնակցության ձևաչափի վերաբերյալ հայտարարություն կանի առաջիկա օրերին: Եկող շաբաթվա մեջ մասնակցության ձևաչափի վերաբերյալ մեր որոշումն անպայմանորեն կհրապարակվի»,- այս մասին 168.am-ի հետ զրույում ասաց ԲՀԿ խմբակցության քարտուղար Նաիրա Զոհրաբյանը՝ անդրադառնալով Galatv.am-ի հրապարակմանը, ըստ որի՝ երեկ ԲՀԿ առաջնորդ Գագիկ Ծառուկյանի մայրը՝ Ռոզա Ծառուկյանը, Գյումրիում ԲՀԿ ակտիվի հետ հանդիպման ժամանակ երաշխավորել է, որ որդին՝ Գագիկ Ծառուկյանը, անպայման կառաջադրվի ՀՀ 2013թ. նախագահական ընտրություններում: «100 տոկոսով կառաջադրվի»,- ասել է Ռոզա Ծառուկյանը:
