Լեդի Գագան շնորհակալություն է հայտնել Դմիտրի Մեդվեդևին
Ամերիկացի աշխարհահռչակ երգչուհի Լեդի Գագան Twitter միկրոբլոգերի իր էջում շնորհակալություն է հայտնել Ռուսաստանի վարչապետ Դմիտրի Մեդվեդևին՝ համասեռամոլներին աջակցելու համար:
Երգչուհին արձագանքել է Մեդվեդևի՝ ռուսական 5 հեռուստաընկերությունների լրագրողներին տված հարցազրույցին, որի ընթացքում Ռուսաստանի վարչապետին հարցրել են, թե ինչի համար է պետք համասեռամոլականության պրոպագանդան արգելելու մասին օրենքը, որին նա պատասխանել է. «Ոչ բոլոր վարքագծային սովորույթներն է պետք օրենքի վերածել, քանի որ մարդկային ոչ բոլոր փոխհարաբերությունները պետք է օրենքով կառավարվեն»,- Մեդվեդևի խոսքերն է մեջբերում Lenta.ru-ն:
Նշենք, որ Լեդի Գագան առաջիկա օրերին 2 համերգ կտա Ռուսաստանում: Դեկտեմբերի 9-ին նա հանդես կգա Սանկտ Պետերբուրգում, իսկ 3 օր անց՝ Մոսկվայում:
