Արազ Օզբիլիս. Չեմ կարծում, որ հանդիպման գլխավոր հերոսը մրցավարն էր
«Կուբանի» կիսապաշտպան Արազ Օզբիլիսը մեկնաբանել է Ռուսաստանի Պրեմիեր լիգայի 19-րդ տուրի «Ալանիայի» հետ հանդիպման արդյունքը (0:0):
«Սա հեշտ հանդիպում չէր, սակայն մենք մրցակցի դարպասը գրավելու մի քանի հնարավորություն ունեինք: Մեր երկու ֆուտբոլիստների հեռացումից հետո խաղն էլ ավելի դժվարին դարձավ: Այդ պարագայում 0:0 հաշիվն առավելագույնն էր մեզ համար: Չեմ կարծում, որ մրցավարը հանդիպման գլխավոր հերոսն էր: Նա պարզապես իր գործն էր անում և չազդեց հանդիպման ելքի վրա: Ամենայն հավանականությամբ, այսպիսի խիստ մրցավարությունը նրա ոճն է», – Օզբիլիսի խոսքերը մեջբերում է «Ռ-Սպորտ» գործակալությունը:
Մարզական լրահոսն ապահովում է SportArmenia.com-ը
