Մովսիսյանի տրասնֆերը դեռ ձևակերպված չէ. Գործակալ
«Կրասնոդարի» հարձակվող Յուրա Մովսիսյանի տեղափոխությունը «Սպարտակ» դեռևս ավարտված չէ։ Այս մասին հայտարարել է ֆուտբոլիստի գործակալ Պատրիկ Մակեյբը։
Նախորդ շաբաթ իրար հակասող տեղեկություններ էին հայտնվել, որոնց համաձայն` 25-ամյա հարձակվողի տեղափոխության գործարքը կատարվել է։
«Գործարքը դեռ կայացած չէ, սակայն հույս ունենք, որ այն շուտով կավարտվի»,- գործակալի խոսքերն է մեջբերում Ria Novosti-ն։
Հիշեցնենք, որ Մովսիսյանը, ով վերջին հանդիպումները վնասվածքի պատճառով բաց է թողել, Ռուսաստանի առաջնության 2-րդ լավագույն ռմբարկուն է։
Մարզական լրահոսն ապահովում է SportArmenia.com-ը
