Բունդեսլիգա. Չեմպիոնի հաղթական մեկնարկը (տեսանյութ)
Գերմանիայի 50-րդ առաջնության մեկնարկային տուրի առաջին խաղում երկրի գործող չեմպիոն Դորտմունդի «Բորուսիան» 2:1 հաշվով դժվարին հաղթանակ տարավ Բրեմենի «Վերդերի» նկատմամբ:
Հանդիպման մեկնարկից Յուրգեն Կլոպի սաները տիրեցին նախաձեռնությանն ու արդեն 11-րդ րոպեին դորտմունդցիներին առաջ մղեց Մարկո Ռոյսը: 24-րդ րոպեին Առնաուտովիչը կարող էր խփել պատասխան գոլը, սակայն նրա հարվածից հետո գնդակը ետ մղվեց դարպասաձողից: Թեև հյուրերը երբեմն շատ վտանգավոր գրոհներ էին կազմակերպում, «Բուրուսիան» հարձակման գծում շատ ավելի կազմակերպված էր գործում և մի քանի անգամ կարող էր կրկնապատկել հաշվի տարբերությունը:
Այդուհանդերձ, հաջորդ գոլը գրանցվեց 75-րդ րոպեին և այն խփեցին «Վերդերի» ֆուտբոլիստները: Չեխիայի հավաքականի աջ պաշտպան Թեոդոր Գեբրեսելասիեն հավասարեցրեց հաշիվը: Տանտերերից ընդամենը 6 րոպե պահանջվեց կրկին առաջ անցնելու համար, Մարիո Գյոտցեն խփեց հաղթական գոլը:
Մարզական լրահոսն ապահովում է SportArmenia.com-ը
